7 وصايا و 14 نصيحة

أيّام قليلة ويبدأ منتخبنا مهمته في كأس آسيا للأمم في مجموعة أقل ما يقال عنها أنها صعبة
والتأهل للدور الثاني فيها سيكون إنجاز بحد ذاته ..
بعيداً عن الأمور الفنية والتحضيرات والاستعدادات سأقول هذه الكلمات علها تساعد بأي شيء وهذا أضعف الإيمان ..
سأبدأ بسبع وصايا لبعثة منتخبنا بشكل عام وحاملي رايتنا في الدوحة..



1
إذكـروا الله وتوكلوا عليه ..
واعلموا أنه لا ناصر لكم من بعده , فسلموا أمركم له وتوكلوا عليه واعلموا أنه لو اجتمع الناس ليضروكم بشيء ما ضروكم إلا بما كتب الله لكم
ولو اجتمعوا لينفعوكم بشيء ما نفعوكم إلا بما كتبه الله لكم .. ومالنصر إلا من عند الله , وإن ينصركم الله فلا غالب لكم ..
فاعملوا وتوكلوا عليه عسى ألا يردكم ويردنا خائبين ..







2
ابتعدوا عن الأنانيّة وكونوا يداً واحدة ..
فلا يسعى أحدكم لمجده دون غيره أوعلى حساب غيره , كونوا عوناً لبعضكم ولا تكونوا عالة على بعضكم
انتصروا لبعضكم تنتصرون , انبذوا الأنا فإنها من الشيطان
ليكن همكم الجماعة واعملوا كجماعة .. حتى لو كان خصمكم يملك الشجاعة فالكثرة تغلبها .. وتذكروا قصة القشة التي تكسر لوحدها ..






3
النوم ووجبات الطعام ..
لا تكثروا من السهر فإنه يرهق الجسم ويقتل التركيز , وكلوا من طيبات ما رزقكم الله وتوسطوا فخير الأمور أوسطها
واستشيروا من كان بها خبيرا ..








4
نفذوا مهمتكم وأجلوا السياحة ..
فالسياحة والترفيه أشياء مرغوبة فلا تغرنكم المولات والسيارات والكورنيش والطرقات , فأنتم تمثلون وطن .. تحملون راية الشعب وحلم الملايين
فلا يلهيكم عن ما سرتم إليه مظاهر الترف والترفيه فلكل إمرئ مانوى ..
نعلم أن قطر جميلة ودوحتها مبهرة لكن وجودكم هنا فرصة .. قد لا تتكرر فيما انتم ذاهبون اليه .. وقد تتكرر كثيراً فيما اذا حققتم المطلوب
فأدوا أمانتكم وقوموا بعملكم ثم اختاروا أي قطر من الأقطار والأمصار للسياحة والترفيه والاحتفال ( إن شاء الله ) بالانتصار ..






5
المحبة سر النجاح
فأحبوا بعضكم وليحب أحدكم لأخيه ما يحبه لنفسه , والفتنة أشد من القتل .. فلا تفتنوا أنفسكم وكونوا لبعضكم سنداً ومعيناً
افرحوا لفرح بعضكم واحزنوا لحزنه .. ولينتبه كل أحد منكم لما يقوله ويفعله وليتق الله في أخيه وليعلم أنه ما يلفظ من قول إلا لديه رقيب عتيد








6
أطيعوا ولي أمركم ..
فهو المسؤول عنكم أمام الجميع , فاستمعوا لما يقوله .. وركزوا على تنفيذ ما يطلبه منكم مهما صعب أو شق عليكم ..
بالنهاية هو يريد مصلحتكم وصلاح أمركم وتحسين صورتكم
ثقوا به كما وثق بكم .. وكونوا على قدر المسؤولية التي يلقيها عليكم ..






7
أتمّوا عملكم
انتبهوا للدقائق الأخيرة ,
ولا تضيعوا تعبكم .. فإن الله يحب أن من يقوم بعملٍ أن يتقنه ..
فأتقنوا عملكم وأتموها بالشكل الأمثل وحافظوا على تركيزكم من البداية الى النهاية ,
فالنهايات السعيدة تكون دائماً خاتمة أجمل لما سواها فاسعوا لذلك ما استطعتم ولا تبخلوا بأي شيء تستطيعوا بذله في سبيل ذلك ..










14 نصيحة
رح تكون بالعامية .. وباللهجة المحكية ..

1 - مصعب بلحوس : كلنا منحبك ومنوثق فيك وخبرتك كبيرة ومابدك نصيحة اللي بدنا ياه منك حبيبنا تنتبه على طلعاتك بالركنيات وبالهجمات
وما تخلي الطابة تهز شباكك ..




2 - نديم الصباغ : يا ما هتفنالك يسار يمين دوخهم يا نديم بس انا حاسك متلبك ومو مرتاح حاول تكون ريلاكس وكوول لانو دفاعك ماكان كتير مقبول
على كل حال عندك احسن من هيك وهالشي معلوم بالدفاع وبالهجوم ..



3 - علي دياب : علي ياعلوش بصراحة ما بعرف ان قلتلك نصيحة ولا الف رح تبطل شوط بهالطابة وشلف ,
يا اخي خلي طاباتك مضمونة سلم واستلم خود وعطي خود وعطي ..



4 - عبد القادر دكة : والله ياعبودة انت كبير وما بدك نصيحة بس عندي منك طلب : ( دير بالك على علوش حاكم احياناً بيطوش وبيلوش ) ..



5 - بلال أو برهان : بلال وحش وبرهان فنان .. اللي رح يلعب عاليمين يسمع هالنصيحة من اخوه ياسين
بلال زبط باصاتك وخليها حصراً وفقط لرفقاتك , أما انت يا برهان لعيب كتير وفنان بس انتبه منيح وغطي مكانك ..





6 - وائل عيان : والله يا ابو اللول ما عم اعرفك صاير لعيب وحريف بس بدي اطلب منك طلب لا تردني خايب كرمال اولياء حلب
بس تكون بالامام لا تتسرع وتستعجل .. صلي عالحبيب وعميل " ون تو " مع الخطيب ..



7 / 8 - فراس وعبد الرزاق : بدي قلك يا فراس ما شاء الله عنك جوكر كل مرة بتلعب بمركز بس بما انك بالمحور الشباب زعلانة منك
ياريت تحركلي حالك ولا توقف تتفرج على خيالك
أما انت يا عبودة جلطاتك والله مشهودة اذا تيتا نزلك اساسي يظهر كتير رح نآسي.. بيبقى رأي المدرب ومنحترموا .. بس ياريت يا عبد الرزاق
تبطلي هالعادة وهالمراق انو كل ما اجتك طابة تركض فيها وبعدين تشوط





9 - لؤي شنكو : والله انتة ما بدك نصيحة القصة بتفهمها عالريحة ربي يوفقك و يحميك ويهدي المدرب انو اساسي يخليك ..




10 - جهاد الحسين : والله يا جهاد انك ملك وبشك إنو حدى على هالحكي يعترض بس بدي منك تهدّي وعالحكام ما تعترض ,
لانو منتخبنا من دونك سلطة ..



11 - فراس الخطيب : بس اسمع اسمك صدقني بصلي عالحبيب , وبدعي لربي العالي يشفيك ويعافيك يا ابو حمزة الغالي ..



12 - محمد زينو : صدقني يا ابو حميد ما بعرف ليش اسمك موجود لا تعليق بالمرة , ومتل ما بيقولوا جود بالموجود ..

على كل حال انت حالياً معك فرصة ذهبية ما بعتقد تتكرر .. بتمنى منك تخيب توقعاتي فيك وتقدم المستوى الجيد والمطلوب ..





13- سنحاريب ملكي : ملكي يا ملكي لكل امرئ من اسمه نصيب و ان شاء الله نشوفك أساسي يارب بجاه الحبيب ..



14 - تيتا : أنا بوثق فيك وكتيرين متلي وصدق اللي قال عطي الخباز خبزوا ولو اكل نصوا
أكيد مارح تسألني نصيحة بس إذا بدك تسأل سآل مجرّب ولا تسأل حكيم ..



وانتوا اصدقائي سامحوني ان طولت عليكم بس حبينا نهز الورد ,

ربي يوفق منتخبنا بالدوحة وان شاء الله ان شاء الله بيجبلنا الفرحة ..

7 تحيات و 14 شكر لك يا صلاح