نزعل ونتكبر واحنا من الطين!

نزعل ونتكبر واحنا من الطيــــن !

(نزعل ونتكبر وحنا من الطين

والكل منا يصد لا اقبل خويــه

نفخر نقول انا على الصد قاوين

وهي علينا في الحقيقة قويــــهـ

ننسى نهايتنا وعلى وين ماشين

وننسى الزمان اللي جمعناسويهـ

المشكله ماهي بحاجه لتخــمين

ولاهي بعد ياناس صعبه القضيه

دق الرقم كيفك؟

هلافيك واهلـــــين

انا الخوي اللي مزعل خــــويه

قله تغيب وصورتك داخل العين

ويبقى لحبك في خفوقي بقــــيه

اخوان حنا لو يجي بينناشين

ومانفترق دام المحبه نديــه

خلك قوي لا تحتكرك الشياطين

قبل الفوات وقبل وقت المنيــه

كلم خويك بااطيب الهرج واللين

واعرف جميل الهرج يمسح رديه

هذي هي الدنيا من الحين للحين

لابد بين الناس تحصل خطـــــيه

ومن لايقدر غلطة أحبابه اللحين

يقرأ حروفي ويعتبرها هديـــــه

باكر تمر سنين وسنين وسنين

والكل يرحل في الدروب المديه

أبيات رائعة وكاتبة أروع

مــشــكوررة